Pulo Kokos

Cocos (Keeling) Islands
Australian Indian Ocean Territory External territory of Australia
Territory of Cocos (Keeling) Islands Pulu Kokos (Keeling) (Kokos) Wilayah Kepulauan Cocos (Keeling) (Melayu)
Flag
Motto:  "Maju Pulu Kita" (Kokos) (Inggris: "Onward our island")
Anthem: "Advance Australia Fair"
Location of the Cocos (Keeling) Islands (circled in red)
Negara daulat	Ostrali
Dicedèk ama Kerajaan Rempug	1857
Dioper deri Singapur ke Ostrali	23 Noèember 1955
Capital	West Island 12°11′13″S 96°49′42″E
Largest kampung	Bantam (Home Island)
Official languages	Kaga' ada
Basa nyang dipaké	Kokos Inggris
Government	Tanggungan nyang dibestir langsung
• Monarch	Charles III
• Governor-General	David Hurley
• Administrator	Farzian Zainal
• Shire President	Aindil Minkom
Parliament of Australia
• Senate	represented by Northern Territory senators
• House of Representatives	included in the Division of Lingiari
Area
• Total	14 km2 (5,4 sq mi)
• Water (%)	0
Highest elevation	5 m (16 ft)
Population
• 2021 census	593 (kaga' dilèrèt)
GDP (nominal)	2010 estimate
• Total	US$11,012,550 (kaga' dilèrèt)
• Per capita	$18,570.91 (kaga' dilèrèt)
Currency	Australian dollar (AU$) (AUD)
Time zone	UTC+06:30
Driving side	kèbot
Calling code	+61 891
Kode pos	WA 6799
ISO 3166 code	CC
Internet TLD	.cc

Pulo Kokos (Keeling) (hurup Arab Gundul: فولو کوکوس کيليڠ‎; Inggris: Cocos (Keeling) Islands; Kokos: Pulu Kokos (Keeling atawa resminya Wilayah Pulo Kokos (Keeling) (hurup Arab Gundul: ولاية فولو کوکوس کيليڠ‎; Inggris: Territory of Cocos (Keeling) Islands; Melayu: Wilayah Kepulauan Cocos (Keeling) entu Ostrali punya atu wilayah luar di Laotan Hindi, nglingkup atu kepuloan kecil nyang kira-kira di separohnya antara Ostrali ama Sélong èn rada deket ama Pulo Sumatra di Indonésia. Ni wilayah punya nama rangkep (semprakan resmi masupnya ni pulo ke Ostrali tahon 1955) ngasi unjuk kalo dulu bekèn juga' namanya Pulo Kokos atawa juga' Pulo Keeling.

Ni wilayah kebentuk deri dua pulo cincin nyang ada 27 pulo koralnya, cuman dua nyang kena diendekin, nya'entu Pulo Kulon (West Island) èn Pulo Ruma (Home Island). Penduduknya cuman 600-an orang èn kebanyakannya orang Melayu Kokos, nyang agamanya Selam Ahlusunah èn ngomong basa Melayu Kokos bakal basa pertamanya. Ni wilayah dibestir ama guwernemèn serèkat Ostrali punya Departemèn Inprastuktur, Gandaran, Pembangunan Daèrah, èn Ubung-ubungan jadi wilayah luar Ostrali. Barengan ama Pulo Natal (nyang barang 960 km atawa 600 mil punya jau ngètanin), ni pulo ngebentuk atu pengelompokan bestir Wilayah Laotan Hindi Ostrali. Cuman, tu penghuni pulo ngelah derajat kuasa-dèwèk liwat mejelis kampung sekiteran. Banyak ladènan umum, kaya' kesèhatan, onderwès, belèd, disediain ama negeri Ostrali Kulon, èn hukum Ostrali Kulon diterepin kecuali di diaranin ama guwernemèn serèkat. Ni wilayah juga' maké kode pos Ostrali Kulon.

Ni pulo ditemuin tahon 1609 ama atu kapitèn merin Britani nama Wiliam Keeling. Cuman, tu témpo belon ada orangnya. Baru semprakan awal-awal abad ke-19 dah mulain ada pengendeknya. Pengendek nyang awal-awal entu John Clunies-Ross, tukang dagang ekot, ama kebanyakan deri pengendek nyang sekarang entu turunan deri pegawé-pegawé ras Melayu nyang diboyong gawé ke dia punya ondernèming kopra. Kulawarga Clunies-Ross merènta entu pulo jadi lènstèlsel perorangan bakal 150 tahon punya lama, dengen pala kuarga nyang biasa dianggep jadi résidèn mahistrat. Britani nyedèk ni pulo tahon 1857, èn tulus dibestir dah ama dia pada deri Sélong atawa Singapur. Ni wilayah diangsrongin ke Ostrali tahon 1955, bagèn kata ampé 1979 ni wilayah punya kabèhan banda tana masing empunyanya kulawarga Clunies-Ross.