Monggoli

Monggoli
ᠮᠤᠩᠭᠤᠯ ᠤᠯᠤᠰ (Monggol)
Монгол Улс (Monggol)
Mongol Uls

Ibu negeri

Ulanbator

Nama pengendek

Monggol

Monggoli (hurup Arab Gundul: مڠݢولى; basa Monggol: ᠮᠤᠩᠭᠤᠯ ᠤᠯᠤᠰ Монгол Улс Mongol Uls) atawa Mongoli (hurup Arab Gundul: مڠولى) atawa Negeri Monggol (hurup Arab Gundul: نݢرى مڠݢولى) atawa Negeri Mongol (hurup Arab Gundul: نݢرى مڠولى) entu atu negara nyang kecempèt daratan di Asia Wètan èn Asia Sintrem. Ni negara watesan ama Ruslan di blèlir, Kiblik Ra'yat Tiongkok di bekidul, blètan, èn bekulon. Monggoli punya sistim pulitik entu kiblik^[1] parlemènter.

Ampé wayah gini, orang-orang Monggoli kebanyakan agamanya Buda. Kebanyakan orang-orangnya mah ayeng-ayengan, kaga' ngejedog di atu tempat. Dia punya kota paling gedé ama hopstadnya^[2] entu Ulanbator. Di ni kotala 38% deri semua pendudukah tinggal di mari. Di ni negara punya belah lor ama wètan pada gunung-gemunung. Di bekidulnya – Gurun Gobi. Ada 2.791.272 orang nyang tinggal di Monggoli. Ni negara nomor 18 paling gedé di dunia, nyang luasnya 1.564.116 km² (603.909 mi²).

Adapun orang Monggoli digeronya orang Monggol (hurup Arab Gundul: اورڠ مڠݢول) atawa orang Mongol (hurup Arab Gundul: اورڠ مڠول).

Ruju'an

↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Kiblik (hurup Arab Gundul: کبليک) – republik (Indo.); republic (Ing.).
↑ Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).

[1] Chaer, Abdul. (2009). Kamus Dialek Jakarta. K. Rép. Penerbit Masup Jakarta. Kiblik (hurup Arab Gundul: کبليک) – republik (Indo.); republic (Ing.).

[2] Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).

[1]

[2]