Loncat ke isi

Kibris Lor

Deri Wikipedia
Kiblik Turki Kibris Lor
Kuzey Kıbrıs Türk Cumhuriyeti (Turki)
90px 65px
170px
Ibu negeri Nikosia Lor
Nama pengendek Kibris Lor
Sipriot Lor


Kibris Lor (hurup Arab Gundul: قبرص لور; basa Turki: Kuzey Kıbrıs) atawa resminya Kiblik Turki Kibris Lor (hurup Arab Gundul: کبليک تورکى قبرص لور; basa Turki: Kuzey Kıbrıs Türk Cumhuriyeti) entu atu negara nyang hakèkatnya ada (de facto) di ponggahan lor Pulo Kibris. Di kalangan antérobangsa, ni dirèkennya jadi bagèan deri Kiblik Kibris èn cuman Turki doang nyang ngakuinnya jadi negara sendèwèk. Ada 300.000 orang Muslim Turki Kibris nyang tinggal di ni daèrah. Ni daèrah luasnya ngejembar cuman ampé 3.335 km2. Turki doang atu-atunya negara nyang ngakuin ni wilayah sebagé kiblik merdèka bagèn kata ada setrap antérobangsa (international sanction) ama èmbargo di ni tempat.

Kibris dulu dita'lukin ama Kesultanan Usmaniah èn jadi bagèannya semprakan tahon 1510 ampé 1914. Entakonoh, banyak orang Turki Usmani nyang nyanggrah ama netep di mari. Mancan Usmaniah musuan ama Kekaèsaran Britani selamanya Perang Dunia I, Britani nyaplok itu Kibris. Tahon 1923, liwat Perjanjian Losana, Turki nyerahin itu pulo ke Britani Gedé nyang di tahon 1925 dirobah jadi jajahan kron. Britani ngebestir di situ semprakan 1878 ampé 1960. Adapun orang-orang Turki Kibris pada disunat, sebab agama nyang paling banyaknya entu agama Selam Ahlusunah.

Di tahon 1974, orang-orang Turki Kibris pada dibunu-bunuin di penjagalan Marata, Santalaris, èn Aloda, bakal balesan buat gucelan nyang mingkin-mingkinan ama Yunani. Ngiat begitu, soldadu Turki langsung nganpal ama nyaplok Kibris. Banyak penduduk deri Turki daratan dateng di mari ke blèlirnya ni pulo. Ni perbuatan ngeja kutukan kalangan antérobangsa èn Kibris Lor ampé sekarang kaga' diakuin ama PBB.

Sedari tahon 1974, PBB udah ngeja garis wates gencetan senjata antara Kibris Turki ama Kibris Yunani. Kiblik Turki Kibris Lor dikeja tahon 1983 èn Rauf Denktaş jadi persidènnya nyang pertama. Tawar-tawaran bakal nggabregin tu pulo udah diadain bekali-kali, mar kaga' tokcèr juga'.

Kibris Lor, bagèn kata mah dia jadi jaburan antérobangsa (international pariah state), dikata masing angguran ketimbang laèn-laèn gutekan "selèk ayem" èn lumayan anteng, serènta kera'yatan guwernemènnya mah juga' kualitèt mantep, dengen kebèbasan pulitik èn keserèntaan ra'yat dalem kegiatan pulitik.

Kaum Rom-Kurbat entu atu anak-kelompok Selam Rom, nyang ngejogrog di Kibris semprakan jaman Usmaniah. Ni orang basanya – basa Kurbat, atu logat deri basa Rom, ama basa Turki Kibris.[1]

Ruju'an[permak | permak sumber]

  1. "Cyprus: The Roma, standing for what they are!". 22 Agustus 2015.