Andora
| Kepangèranan Andora Principat d'Andorra (Katalan) | |||
| |||
| |||
| Ibu negeri | Andora Tua | ||
| Nama pengendek | Andora | ||
Andora (hurup Arab Gundul: اندورة; Katalan: Andorra) atawa resminya Kepangèranan Andora (hurup Arab Gundul: کفڠيرانن اندورة; Katalan: Principat d'Andorra) ada atu negara nyang kekonci di tenga-tenga daratan kaga' punya laot nyang letaknya di belètan Pegunungan Pirénéen di Èropa Kidul. Ni negara watesan ama Spanyol, ama Prasman juga'.
Ada sekitaran 84.000-an orang nyang tinggal di ni negara. Dia punya hopstad[1] entu Andora Tua (Katalan: Andorra la Vella). Ni negara dipimpin ama Uskup Spanyol juga', ama Persidèn Prasman juga', nyang nyandang gelar "Sepengèranan"[2]. Andora punya guwernemèn entu kera'yatan parlemèn[3].
Andora entu atu negara nyang tajir pisan lantaran dia punya tempat-tempat pelancongan. Setahon bisa ada 10,2 juta penglancong nyang dateng di ni negara.
Adapun dia punya basa resminya entu basa Katalan, bagèn kata basa Spanyol, Portugis, ama Prasman juga' dipaké.
Ni negara bukan anggota Uni Èropa, cuman paké èuro duitnya.
Ruju'an
[permak | permak sumber]- ↑ Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).
- ↑ Sepangèranan (hurup Arab Gundul: سفڠيرانن) – co-prince (Ing.).
- ↑ Kera'yatan parlemèntèr (hurup Arab Gundul: کرعيتن فرلمنتر) – demokrasi parlementer (Indo.); parlimentary democracy (Ing.).
| Negara daulat |
|  | |||||||
|---|---|---|---|---|---|---|---|---|---|
| |||||||||
Utekan istimèwa dalem negara daulat |
| ||||||||
| |||||||||
