Loncat ke isi

Osèti Kidul

Deri Wikipedia
Kiblik Osèti Kidul – Negeri Alani
Республикӕ Хуссар Ирыстон / Паддзахад Аллонстон (Osèt)
Rêšpublika Xuššâr Irešton / Pâddzâxâd Âllonšton
ცხინვალის რეგიონი (Géorgi)
Tskhinvalis regioni
Республика Южная Осетия / Государство Алания
Respublika Yuzhnaya Osetiya / Gosudarstvo Alaniya
Ibu negeri Sekinwali
Nama pengendek Osèt Kidul


Osèti Kidul (hurup Arab Gundul: اوستى كيدول; basa Osèt: Хуссар Ирыстон Xuššâr Irešton; basa Rus: Южная Осетия Yuzhnaya Osetiya) atawa resminya Kiblik Osèti Kidul – Negeri Alani (hurup Arab Gundul: کبليک اوستى کيدول نݢرى الانى; basa Osèt: Республикӕ Хуссар Ирыстон – Паддзахад Алани Rêšpublika Xuššâr Irešton / Pâddzâxâd Âllonšton; basa Rus: Республика Южная Осетия / Государство Алания Respublika Yuzhnaya Osetiya / Gosudarstvo Alaniya) atawa Daèrah Sekinwali (hurup Arab Gundul: دائرة سخنوالى; basa Géorgi: ცხინვალის რეგიონი Tskhinvalis regioni) entu atu negara nyang ada secara hakèkat (de facto), mar wilayahnya disengkètain, lagi dirèken sebagé Géorgi punya bagèan di wilayah Kaukasus.

Osèti kidul dulunya atu gutekan (oblast) di jaman Sowièt dengen kuasa-sendèwèk èn ngebestir sebagèan besar deri ni daèrah. Mancan diproklamirin dia punya kemerdèkaan di tahon 1990, Géorgi jal nyomot balik itu daèrah dengen paksa èn kejadianla itu Perang Osèti Kidul 1991–1992. Géorgi nyoba nyomot balik itu Osèti Kidul lagi di tahon 2004 èn di tahon 2008. Tahon 2008, pejoang Osèti disokong ama pasukan Rus èn ngambil alih pol cokolan di ni daèrah. Walakin, pisahnya deri Géorgi sebagè atu negara sendèwèk cuman diakuin ama tiga negara laèn doang, ya'entu Ruslan, Nikaragua, èn Bénésuèla, serènta Abhasi nyang nasibnya medu kaya' Osèti Kidul. Secara hukum (de jure), ni daèrah – Géorgi punya daèrah (mkhare) Shida Kartli.

Di kalangan antérobangsa, ni daèrah dianggep sebagé daèrah caplokan Ruslan di wilayah Géorgi. Géorgi kendiri ogah ngakuin itu pemberontak Osèti Kidul pada jadi atu negara ènggal. Guwernemèn nggeronya paké nama jebotnya, ya'entu Samachablo, atawa nyang belakangan ni, daèrah Sekinwali (deri dia punya nama hopstad[1]).

Osèti Kidul géograpisnya watesan ama Osèti Lor-Alani nyang bukan atu èntitèt ènggal, bahna entu bagèan – Ruslan punya bagèan.

Osèti Kidul bener-bener butuh ama Ruslan punya pertulungan.

Kadang, Osèti Kidul, Transnistri, Karabag Gunung, èn Abhasi entu digero' sebagé atu kumpulan sebagé kawasan "selèk adem" pasca-Sowièt.

Adapun orang Osèti Kidul digeronya orang Osèt Kidul (hurup Arab Gundul: اورڠ اوست کيدول).

Ruju'an[permak | permak sumber]

  1. Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).