Hongkong

Daèrah Bestir Istimèwa Kiblik Ra'yat Tiongkok Hongkong 香港特別行政區 香港特别行政区 Xiānggǎng Tèbié Xíngzhèngqū (Mandarin) Hēunggóng Dahkbiht Hàhngjingkēui (Kuantung)
Ibu negeri	Hongkong
Nama pengendek	Hongkong

Hongkong (hurup Arab Gundul: هڠکوڠ; hurup Tionghoa Terdisionil: 香港; hurup Tionghoa Ringkes: 香港; Mandarin: Xiānggǎng; Kuantung: Hēunggóng) atawa resminya Daèrah Bestir Istimèwa Kiblik Ra'yat Tiongkok Hongkong (hurup Arab Gundul: دائرة بستير استموا کبليک رعية تيوڠکوق هڠکوڠ; hurup Tionghoa Terdisionil: 香港特別行政區; hurup Tionghoa Ringkes: 香港特别行政区; Mandarin: Xiānggǎng Tèbié Xíngzhèngqū; Kuantung: Hēunggóng Dahkbiht Hàhngjingkēui) entu atu deri dua Kiblik Ra'yat Tiongkok punya Daèrah Bestir Istimèwa (nyang atunya lagi Makao). Ni atu bagèan dunia nyang paling kandel ama maju, èn biaya idupnya mahal pisan. Hongkong mah lekas majunya dalem berapa dékade abisnya Perang Dunia II, hata jadi atu sintrem keduitan kelas dunia nyang nyohor. Hongkong entu atu deri wilayah-wilayah rèstanan Kekaèsaran Britani ampé tahon 1997, pas Britani Gedé ngangsrongin ni daèrah ke Tiongkok. Entakonoh, Tiongkok janji bakal ngasi status istimèwa bakal 50 tahon.

Hongkong punya penduduk ada tuju jutaan lebi. Èkonominya melesat majunya deri atu bandar dagang ampé jadi kota kandel pisan. Hongkong ngelah gedong penyèkèr langit paling ngebadeg di dunia.

Hongkong kebelèk jadi 3 bagèan:

• Pulo Hongkong
• Kiuliong
• Daèrah Anyar (masup 235 pulo sebrang laot)

Hongkong dulunya Britani punya jajahan sedari 1842 ampé 1997, sebab Tiongkok nyerahin itu kota lantaran kalah Perang Madat Kedua. Mancan pengangsrongan tahon 1997, Hongkong jadi kukuannya Tiongkok di bawa atu kewontenan istimèwa.

Hongkong gableg dia punya wèt dasar sendèwèk nyang laèn deri Kiblik Ra'yat Tiongkok punya wèt dasar.