Kerajaan Rempug

Kerajaan Rempug Britani Gedé èn Negeri Ir Lor United Kingdom of Great Britain and Northern Ireland (Inggris)
Ibu negeri	Londen
Nama pengendek	Brit

Kerajaan Rempug Britani Gedé èn Negeri Ir Lor (hurup Arab Gundul: کرجأن رمفوݢ بريطانى ݢدى ان نݢرى اير لور; Inggris: United Kingdom of Great Britain and Northern Ireland) atawa sering disingket Kerajaan Rempug (hurup Arab Gundul: کرجأن رمفوݢ; Inggris: United Kingdom, singketan: UK) atawa Kerajaan Menunggal (hurup Arab Gundul: کرجأن منوڠݢل) atawa juga' dikenal Britani Gedé (hurup Arab Gundul: بريطانى ݢدى; Inggris: Great Britain) ya'entu atu negara daulat nyang letaknya di panté lepas kulon-lor benua Èropa. Ni negara ada gabregan deri 'negara-negara', sehingga dibilangnya negara 'rempug'. Adapun ni negara kesusun deri pulo-pulo nyang ada di gutekan situh, antara laèn: Pulo Britani Gedé ama Pulo Irlan belah lor-wètan, srènta laèn-laèn pulo kecit di sekitarannya. Orang banyak kadung lumpar cuman nggero'nya Inggris. Hopstad ni negara ada di Londen.

Seila-ilanya, empat negara gedé nyang ngeja gabregannya Kerajaan Rempug antara laèn:

• Inggris (hopstadnya di Londen)
• Irlan Lor (hopstadnya di Bèlpas)
• Skotlan (hopstadnya di Èdinbereh)
• Walès (hopstadnya di Kardip)

Adapun orang Britani Gedé digero'nya orang Brit (hurup Arab Gundul: اورڠ بريط).