Pilipénen

Kiblik Pilipénen
Republika ng Pilipinas (Pilipèn)

Ibu negeri

Manila

Nama pengendek

Pilipèn
Pilipin

Pilipénen (hurup Arab Gundul: فيليفينن) atawa Pilipina (hurup Arab Gundul: فيليفينه) atawa Pelipin (hurup Arab Gundul: فليفين) atau nama resminya Kiblik^[1] Pilipénen (hurup Arab Gundul: کبليک فيليفينن; basa Pilipèn: Repúblika ng Pilipinás) entu atu negara nyang letaknya di Asia Kidul-wètan. Ini negara dikulilingin ama Laot Tiongkok Kidul, Laot Sulu, Laot Sulawési, ama Laotan Teduh. Ini negara – negara kepuloan dengen 7.107 pulo sonder wates darat ama mana-mana negara. Pilipénen kebagi jadi 3 wilayah géograpis, ya'entu: Luson, Bisaya, ama Mindanao. Pulo nyang paling gedénya entu Pulo Luson, di mana Manila, hopstadnya^[2], ada. Negare jirannya antara laèn Bruné, Malésia Wètan, Palau, Piètnam, ama Taiwan. Ini negara dilantasin ama Cincin Geni Laotan Teduh (basa Inggris: Pacific Ring of Fire), mangkanya ada seabrek gunung api ama sering kejadian lini. Badé siklon tropis juga sering banget kejadian, soalnya ini negare letaknya di daèrah lintang di atas 10^o LL.

Luasnya 'ntu negara – 300.000km². Adapun jumblah penduduk ntu negara ada 92.337.852 orang berales Sènsus Penduduk tahon 2010, dengen kepadetannya sebesar 308 orang/km². Mangkanya, ni negara – negara nyang paling banyak penduduknya ke-12 di dunia.

Adapun orang Pilipénen bisa digero' sebagé orang Pilipèn atawa orang Pilipin (hurup Arab Gundul: اورڠ فلفن).

Ruju'an

↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Kiblik (hurup Arab Gundul: کبليک) – republik (Indo.); republic (Ing.).
↑ Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).

[1] Chaer, Abdul. (2009). Kamus Dialek Jakarta. K. Rép. Penerbit Masup Jakarta. Kiblik (hurup Arab Gundul: کبليک) – republik (Indo.); republic (Ing.).

[2] Hopstat atawa hopstad (hurup Arab Gundul: هوفستت atawa هوفستاد) – ibukota (Indo.); capital (Ing.); hoofdstad (Wld.).

[1]

[2]