Loncat ke isi

Hindia Wètan Spanyol

Deri Wikipedia

Kerajaan Hindu-Buda
Kesultanan Selam
Kerajaan Serani
Serèkat Kongsi Cina
Penjajahan Peringgi
Nongtotnya Indonésia
Kiblik Indonésia

Hindia Wètan Spanyol (Spanyol: Indias orientales españolas; Pilipèn: Silangang Indiyas ng Espanya) entu wilayah sebrang laot Kekaèsaran Spanyol di Asia ama Oséani semprak 1565 entuk 1899, nyang dikuku bakal Makuta Spanyol deri Mèksiko Kota ama Madrid liwat jèndral kehulubalangan nyang merènta di Manila. Raja Spanyol adatnya ngagulin dèwèknya jadi "Raja Hindia Wètan èn Kulon" (Spanyol: Rey de las Indias Orientales y Occidentales; Pilipèn: Hari ng Silangang at Kanlurang Indiyas).

Semprak 1565 entuk 1821, ni wilayah, barengan ama Hindia Kulon Spanyol, dibestir liwat Kewakilrajaan Spanyol Baru di Mèksiko Kota. Abisnya Kekaèsaran Mèksiko merdéka, ni daèrah pada diperènta langsung deri Madrid. Ni wilayah nyang diperènta kebilang juga' wilayah nyang wayah gini jadi Pilipénen, Guam èn Kepuloan Mariana, serènta Palau, seponggahan deri Mikronési, ama sebentaran doang Taiwan Lor èn pocèlan-pocèlan di Lor Sulawési ama Maluku. Sébu ada jadi pejogrogan guwernemèn nyang pertama nyang entarannya dipingsèrin ke Manila.