Tempat plesiran di Indonésia

Pelancongan di Indonésia entu unsur penting di Indonésia punya èkonomi, juga' jadi atu sumber pemasupan tukeran asing nyang ngebadeg. Indonésia diperingkatin nomer 20 di dunia dalem hal industri pelancongan tahon 2017, juga' diperingkatin nomer 9 paling melesat pelancongannya di dunia, juga' melesat nomer 3 di Asia, serènta paling melesat di Asia Kidul-wètan. Tahon 2018, Dènpasar, Jakarta, ama Batam entu masup 10 kota di dunia nyang pelancongannya melesat, masing-masing 32,7, 29,2 and 23,3 prosèn. Bidang pelancongan diperingkatin nomer 4 paling gedé di antara bidang èkspor ladènan èn barang.