Sablonan:Article

Bir pletok entu orang Betawi punya minuman nyegerin awak nyang kebikin deri jahé, secang, ama laèn-laèn ragem rempah. Bir pletok punya cara bikin entu bahannya pada disiapin, digodog breg ampé mantep, terus ditapis. Sebelonnya ditanjain anget atawa dingin, bir pletok juga' bisa dikocok-kocok ampé merusmus. Sanonya ni minuman entu mentak udah nongol semprakan jaman normal, bahna orang Betawi gedongan mantengin orang Welanda pada atoh banget nenggak bir. Cuman lantaran orang Betawi punya igama Selam entu kaga' boléin minum tèlèr, dikejalah entu bir pletok, nyang dia punya tampang kaya' bir, tapi kaga' ada alkoholnya acan. Kapan orang Betawi punya hajatan bakal pengantèn sunat, kawinan, atawa laèn-laèn keriaan, ni minuman kudu ada, mingkinan mbelèbèr mingkin mantep dah. Wayah gini, ni minuman udah aci jadi Indonésia punya budèl bukanbenda, juga' jadi atu deri lambang budaya orang Betawi punya. (Lengkepnya...)