Huana

Huana (Tionghoa: 番仔; Pe̍h-ōe-jī: hoan-á) entu atu kata dalem bahasa Hokkièn nyeng artinya orang asing. 番 (hoan) artinya "asing" èn 仔 (á) tu buntutan bakal barang-barang kecit dalem bahasa Hokkien. Ni kata bolé dianggap ngèjèk atawa ngata-ngatain bakal masarakat bukan Tionghoa di hatu negara, tuladnya kaya' Taiwan.

Tionghoa Indonésia, Tionghoa Singapur, Tionghoa Pilipènen, èn Tionghoa Malésia maké ni kata bakal nyebut masarakat Asia Kidul-wètan nyeng bukan Tionghoa.^[1] Selama Taiwan di bawa Nipong, masarakat Nipong disebut jadi huana ama masarakat asli Taiwan, dengan geisha disebut jadi huanakè (番仔雞, nyeng artinya "ayam asing") èn istri masarakat Jepang disebut huana ciukan (番仔酒矸, nyeng artinya "pelès aèr serani asing").^[2] Huana wayah gini lumbrah dipaké di Taiwan bakal nyebut inlander (penduduk asli Taiwan).^[3] Di Pènang, Malésia, huana dipaké bakal nyebut orang Melayu, selaèn tu, angmo (紅毛) dipaké bakal nyebut orang peringgi èn kelinga (吉零仔) dipaké bakal nyebut orang Asia Kidul (keitung suku Tamil).^[4] Di Pilipènen, huana dipaké bakal nyebut orang asli Pilipènen.

Jaman baheula banget, ni kata dipaké ama Tionghoa Han bakal nyebut tentara deri Monggoli. Dasarnya, huana artinya "orang asing". Cumanan, laèn mas'alah ada kata "huankui" (Tionghoa: 番鬼; pèng'im: fānguǐ) entu kata dalem basa Cèng'im artinya "orang asing iblis". 鬼 artinya "sétan" atawa "iblis". Ni kata dipaké ama orang Tionghoa nyeng jedog di luar Tiongkok bakal nyebut orang bukan Tionghoa nyeng wataknya jelèk.

Referensi

↑ Tong, Chee Kiong (2010). Identity and ethnic relations in Southeast Asia. Springer. h. 231. ISBN 978-90-481-8908-3.
↑ Huang, Junjie (2006). Taiwan in transformation, 1895-2005. Transaction Publishers. h. 164. ISBN 978-0-7658-0311-5.
↑ Katz, Paul R.; Murray A. Rubinstein (2003). Religion and the formation of Taiwanese identities. Palgrave Macmillan. h. 279.
↑ DeBernardi, Jean Elizabeth (1 April 2009). Penang: rites of belonging in a Malaysian Chinese community. National University of Singapore Press. h. 262. ISBN 978-9971-69-416-6.

[1] Tong, Chee Kiong (2010). Identity and ethnic relations in Southeast Asia. Springer. h. 231. ISBN 978-90-481-8908-3.

[2] Huang, Junjie (2006). Taiwan in transformation, 1895-2005. Transaction Publishers. h. 164. ISBN 978-0-7658-0311-5.

[3] Katz, Paul R.; Murray A. Rubinstein (2003). Religion and the formation of Taiwanese identities. Palgrave Macmillan. h. 279.

[4] DeBernardi, Jean Elizabeth (1 April 2009). Penang: rites of belonging in a Malaysian Chinese community. National University of Singapore Press. h. 262. ISBN 978-9971-69-416-6.

[1]

[2]

[3]

[4]