Wasilah silaturahmi
Wasilah silaturahmi (hurup Arab Gundul: وسيلة صلة الرحم) atawa galib digero' média sosial (hurup Arab Gundul: ميديا سوسيال) entu atu baturan digital (platform digital) nyang ngasi kegampangan bakal dia punya pemaké bakal sili tanggep-tanggepan atawa ngedumanin kontèn kaya' tulisan, potrèt, tongtonan, èn atu baturan digital nyang ngasi kemudahan bakal nglakonin juntrungan kemasarakatan bakal saben pemakénya. Wasilah silaturahmi juga' atu wasilah bakal silaturahmi atu sama laèn liwat dalem-jala (online) nyang ngeja orang pada bisa tanggep-tanggepan sonder kewates tempat èn waktu.
Asal-muasal kata[permak | permak sumber]
Adapun dalem basa Betawi dipilih diterjemahinnya "wasilah silaturahmi" berales ama guna asalnya, sebab asal gunanya èmang dikeja bakal ngasi gampang atawa jadi wasilah bakal silaturahmi ama orang laèn, nyang sebelonnya kewates ama tempat èn waktu.