Tas kaèn
Tas kaèn (basa Inggris: tote bag; urup Arab Gundul:) nya'entu tas nyang bentukannya percis krèsèk, maké tali di atasannya bakal dibawa nèngtèng. Kebanyakan tas kaèn bahannya entu kaèn belacu. Enni tas kaèn belacu ada warna puti èn rada krèm cengcoklatan. Kaèn belacu sokanan digero kaèn mentah lantaran warna puti cengcoklatan polos sonder pepolaan. Enni kaèn sokanan dikeja èn dibikin jadi macem-macem bentuk, tuladnya tas seroman tas belanja, tas sekola, tas jongjon, komo-komo tas nyang ada punya kegunaan bakal orang punya keperluan. Enni kaèn banyak dipaké bakal bungkusan tepung, bungkusan beras, atawa bungkusan barang atawa belanjaan laènnya, serènta bisa lagi dipaké bakal spanduk masing. Enni kaèn punya geger warnanya gè puti. Enni kaèn ada punya baan aslinya entu kapas èn sipatnya gampang diopèn kelawan dijadiin jadi macem-macem bikinan. Enni tas gableg ditangèhin sonder/paké sepuhan, bisa dilempit èn ditangèhin kaya' katun, kaènnya rada alusan deri kaèn muslin, uman kurang kasar èn tebel kalo ditimbang ama kanvas atawa kaèn jins. Kaèn belacu bepola sokanan dikeja wayah penenunan masing tangèh atawa digero kaèn belacu dobby.