Suster ngèsot
Suster ngèsot (hurup Arab Gundul: سوستر ڠيسوت) ya'entu sétan nyang paké baju suster sambil ngèsot-ngèsot lantaran kakinya dipotong. Kalo delengin riwayat, kaga' ada nyang tau asal-muasal suster ngésot, cuman ada berapa omongan deri mulut ke mulut nyang terusannya dipercayain jadi suster ngésot punya riwayat.
Riwayat[permak | permak sumber]
Orang-orang bilang asal-muasal suster ngèsot pertamanya entu lantaran ada cerita di Sébisèt, Jakarta. Katanya ada suster nyang matinya kaga waras. Atu malem, ada suster nyang lagi jaga ngejagain pasièn, cuman entu malem sepi pisan èn kaga' sapa-sapanya cuman ada dokter doang atu. Pas entu suster pèngèn ke laboratorium, entu dokter ngalang-ngalangin, terusanya entu suster dipaké èn dibunuh sadis-sadis. Entu suster punya kaki dipotong èn dikubutin di laboratorium. Laèn tahayulnya ada juga di daérah Jawa Kulon. Ada atu panti jompo nyang ada punya atu suster geulis turunan Walanda. Entu suster namanya Norah. Si Norah ada punya èlmu gaib lantaran entu èlmu dia jabanin bakal bunuh orang-orang nyang tinggal di panti. Sebab Norah bunuh orang di panti lantaran dia orang ada punya dendam jaman jebot. Lantaran entu sebab, si Norah punya kaki dipukulin warga ampé ancur.