Statsiun Pondok Kopi
Stasiun Pondok Kopi Klender Baru (urup Arab Gundul: ستتسيون فندوق کوفى کليندير بارو) atawa nyang mashur dikenalin sebagé Statsiun Pondok Kopi (urup Arab Gundul: ستتسيون فندوق کوفى) ni statsiun singketannya entu KLDB lantaran nama rasminya entu statsiun Klender Baru. Enni statsiun entu statsiun sepur kelas III nyang letaknya di Jalan Pondok Kopi Wètan, bèk Penggilingan, kecamatan Cakung, Jakarta Wètan. Enni statsiun letaknya di ketinggian +11m cuman ngeladenin KRL Commuter Line. Enni statsiun mashur disebut Pondok Kopi lantaran letaknya ada di belalor bèk Pondok Kopi, walopun kaga' masup daèrah entu bèk.
Gedongan èn tata gedong
[permak | permak sumber]Sederi 13 Désèmber 2018, enni statsiun bebarengan ama 4 statsiun laènnya di lintas Jakarta-Cikarang (Klèndèr, Buaran, Cakung, èn Kranji) uda dipakèin gedongan nyang baru dengen gedong nyang mutahir. Tata gedong enni statsiun dirobah jadi pèron pulo di tenga-tenga dua jalur. Enni statsiun diginiin lantaran adanya jalur dobeldua Manggarai-Cikarang.