Silat Cingkrik
Silat Cingkrik entu atu maén pukulan has orang Betawi,[1][2] nyang aslinya deri bilangan Rawa Belong, sekarang masup Kelurahan Sukabumi Utara, Kecamatan Kebon Jeruk, Kota Bestir Jakarta Kulon. Ni aliran didiriin ama Kong Maing (Ismail bin Muayad) sekitar taon 1920-an,[1] èn sekarang perguruan atawa padépokan silat Cingkrik udah pada nyebar, dibawa ama murid-muridnya ke mana-mana tempat di Jakarta.[3][4]
Asal-usul nama
[permak | permak sumber]Nama "Cingkrik" diambil deri basa Betawi jingkrak-jingkrik atawa cingrak-cingkrik, nyang ngegambarin gerak-gerik lincah seékor monyèt.[5]
Sejarah
[permak | permak sumber]Nurutin keterangan deri para dedengkot perguruan enni, Silat Cingrik diciptain ama Ki Maing sekitaran taun 1920-an.[1] Ki Maing ceritanya perna beguru silat di belah "kulon" (kaga' jelas tepatnya, bisa aja bilangan Meruya atawa Banten), terus dia dapet ilham nyiptain aliran silatnya dèwèk seabis ngeliatin gerak-geriknya seékor monyèt.[1][6] Katanya ada kejadian seékor monyèt mao ngambil tongkatnya Ki Maing; entu binatang bisa ngindar waktu mao dipukul, malahan dia bisa nyerang balik dengen cepet.[7] Gerak-gerik serangan nyang cepet èn lincah entu kemudian jadi ciri-ciri deri Silat Cingkrik.[7]
Ki Maing punya tiga murid utama, nya'entu Ki Saari, Ki Ajid, ama Ki Ali.[3][4][7] Deri tiga murid utama Ki Maing entu, aliran Silat Cingkrik kemudian jadi nyebar, deri Rawa Belong ke mana-mana tempat laénnya di Jakarta lèwat murid-murid nyang seterusnya.[3][4]
Silat nyang dikembangin ama murid-murid Ki Maing entu lama-lama dia punya gaya permaènan jadi ada perbèdaan dikit-dikit, nyang terus dilanjutin ama murid-murid mereka.[3][4] Tapi, secara umum semua Silat Cingkrik punya 12 jurus dasar èn 3 jurus sambut; sedangkan perbèdaan cuma di langkah èn gerakannya aja.[7][8][9] Sebagé contoh, langkah ama gerakan (kuda-kuda èn gerakan tangan) Cingkrik Goning lebi ngelèbar, sedangkan Cingkrik Sinan pèndèk-pèndèk èn kaga' lèbar-lèbar amat.[10]
Jurus èn sambut
[permak | permak sumber]Jurus
[permak | permak sumber]Ada dua belas jurus dasar Silat Cingkrik, ya'entu:[7][8][9]
- Keset Bacok
- Keset Gedor
- Cingkrik
- Langkah Tiga
- Langkah Empat
- Buka Satu
- Saup
- Macan
- Tiktuk
- Singa
- Lokbe
- Longok
Gerakan gabungan dua belas jurus entu disebut Bongbang, nyang sering ditunjukin dalam pagelaran beladiri.
Sambut
[permak | permak sumber]Sambut entu latian silat bepasangan, dia ada tiga jurus ya'entu:[7][8][9]
- Sambut Tujuh Muka
- Sambut Gulung
- Sambut Habis, atawa Sambut Detik
Sambut tujuannya bakal ngelatih gerakan replek waktu ngadepin serangan nyang betubi-tubi.
Silsilah perguruan
[permak | permak sumber]Ni perguruan punya silsilah:[11]
| Ki Maing | |||||||||||||||||||||||||||||||||||||||||||||||||||||||||||||||||||||||||||||||||||||||||
| Ki Saari | Ki Ajid | Ki Ali | |||||||||||||||||||||||||||||||||||||||||||||||||||||||||||||||||||||||||||||||||||||||
| Bang Wahab | Bang Acik (Munasik) | Bang Ayat | Bang Uming (Rawa Belong) | Bang Majid | Ki Sinan (Kebon Jeruk) | Ki Goning (Kemanggisan) | Ki Legod (Muara Angké / Pesing) | ||||||||||||||||||||||||||||||||||||||||||||||||||||||||||||||||||||||||||||||||||
| Bang Nur | Bang Akib | Bang Umar | Bang Hasan | Bang Nunung | Bang Melik | Bang Entong | Bang Hamdan | ||||||||||||||||||||||||||||||||||||||||||||||||||||||||||||||||||||||||||||||||||
| Bang Warno | Bang Sapri | ||||||||||||||||||||||||||||||||||||||||||||||||||||||||||||||||||||||||||||||||||||||||
Ruju'an
[permak | permak sumber]Tukilan
[permak | permak sumber]- ↑ a b c d Adi 2010, hlm. 35.
- ↑ Nawi 2016, hlm. 101.
- ↑ a b c d Adi 2010, hlm. 35–36.
- ↑ a b c d Nawi 2016, hlm. 102–103.
- ↑ Nawi 2016, hlm. 103–104.
- ↑ Nawi 2016, hlm. 101–102.
- ↑ a b c d e f Prabowo 2016, hlm. 22.
- ↑ a b c Adi 2010, hlm. 36.
- ↑ a b c Nawi 2016, hlm. 104.
- ↑ Prabowo 2016, hlm. 22–23.
- ↑ Nawi 2016, hlm. 107.
Daptar paranan
[permak | permak sumber]- Adi, Windoro (2010). Batavia 1740: menyisir jejak Betawi (dalem basa Indonésia). PT Gramedia Pustaka Utama. ISBN 978-9792254518.
- Nawi, G. J. (2016). Maen Pukulan Pencak Silat Khas Betawi. Seri Pustaka Pencak Silat (dalem basa Indonésia). J. 1. Yayasan Pustaka Obor Indonesia. ISBN 978-9794619834.
- Prabowo, Erik R. (2016). Antonius Fran Setiawan (prm.). Silat Nusantara (dalem basa Indonésia). Litera.
