Separang
Separang[1][2] atawa saprang (hurup Arab Gundul: سفراڠ atawa سفرڠ; Indonésia: kuma-kuma; Arab: زَعْفَرَان zaʿfarān; basa Inggris: saffron) ada atu rempah-rempah nyang dikeja deri putik kembang taneman separang. Ni rempah-rempah dipaké bakal masak atawa ngelirin makanan. Aslinya ni taneman deri daèrah Asia Kidul-Kulon.[3][4] Ni rempah-rempah ada satu rempah-rempah paling mahal dia punya harganya sedari jaman jebot.[3][5]
Separang punya rasa – pait, baunya kaya jerami ijo. Ni bau ada sebab lantaran bahan kimia picrocrocin ama safranal.[6] Separang juga' ada pengelirnya, ya'entu crocin, nyang kasi makanan kelir rada emas. Separang udah jadi bagèan deri bahan-bahan makanan mana-mana antéro dunia èn juga' jadi obat.
Kata saffron (di basa-basa Peringgi) asalnya deri kata basa Prasman Kuna safran, nyang asalnya deri basa Latèn safranum. Tu kata safranum juga' ada juntrungan ama kata zafferano (basa Itali) èn azafrán (basa Spanyol).[7] Kata safranum asalnya deri kata basa Arab أَصْفَر aṣfar 'konèng'.[8]
Ruju'an
[permak | permak sumber]- ↑ Fathullah, Ahmad Lutfi. (2005). Pribadi Rasulullah Saw: Telaah Kitab Taudhih al-Dala'il Fi Tarjamat Hadits al-Syama'il Karya Guru Mughni Kuningan [1860-1935]. Al-Mughni Press. h. 78.
- ↑ Sayyīd ʿUthmān (1887). "Mukhtaṣar al-qāmūs". Batawi. h. 24.
- ↑ a b Hill, T. (2004). The Contemporary Encyclopedia of Herbs and Spices: Seasonings for the Global Kitchen. Wiley. ISBN 978-0-471-21423-6.
- ↑ Grigg, D. B. (1974). The Agricultural Systems of the World. Cambridge University Press. ISBN 978-0-521-09843-4.
- ↑ Rau, S. R. (1969). The Cooking of India. Time Life Education. ISBN 978-0-8094-0069-0.
- ↑ McGee, H. (2004). On Food and Cooking: The Science and Lore of the Kitchen. Scribner. ISBN 978-0-684-80001-1.
- ↑ Harper, D. (2001). "Saffron," Online Etymology Dictionary. [sènggètan diaksès 19 Juni 2023]
- ↑ Kumar, Vijaya (2006). The Secret Benefits of Spices and Condiments. Sterling. h. 103. ISBN 978-1-84557-585-4. Dipungut 1 Désèmber 2007.