Sombok

Sombok^[1]^[2] (hurup Arab Gundul: سومبوق) atawa salon (hurup Arab Gundul: سالون) atawa spèker (hurup Arab Gundul: سفيکر; basa Inggris: loud speaker, speaker) entu alat nyang dipaké bakal ngeja suara di redio, tipi, ama pembanter (amplifier) alat-alat gending lèstrik. Sombok entu atu penuker ungkulan nyang ngerobah sinyal lèstrik jadi prékuènsi suara liwat geter-geteran bagèan kulitnya, jadi kejadian dah tu gelombang suara ngider ampé nyampé di kita punya kendang kuping, mangka bisa didenger jadi suara.

Di saban sistim pengejaan suara, sombok juga nentuin kualitèt suara selaèn alat pembikin suara sebelonnya nyang masing bentuknya lèstrik dalem rangkéan pembanter.

Ruju'an

↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta.
↑ Saidi, Ridwan. (2007). Glosari Betawi: Kamus kata-kata, nama, dan peristiwa dari zaman prasejarah hingga zaman moderen. Betawi Ngeriung.

[1] Chaer, Abdul. (2009). Kamus Dialek Jakarta. K. Rép. Penerbit Masup Jakarta.

[2] Saidi, Ridwan. (2007). Glosari Betawi: Kamus kata-kata, nama, dan peristiwa dari zaman prasejarah hingga zaman moderen. Betawi Ngeriung.

[1]

[2]