Sabdapalon

Sabdapalon atawa Sabdo Palon entu wujud cerita-cerita tana Jawa di Gunung Tidar, daèrah Jawa Tenga nyeng agamanya Hindu atawa Buda mariannya nyeng deket ama raja Majapait di entu jaman. Sabdapalon bekèn lantaran dia begumul ama Sèh Subakir 40 ari 40 malem nyeng buntutannya seri, belakangannya ngeja perjanjian nyeng dicayain bakal orang-orang Jawa.

Dia punya nama disebut dalem Serat Darmagandhul, nyeng diserat ama Ki Kalamwadi, nyeng waktu penyeratannya tu di ari Sabtu Legi, 23 Ruwah 1830 Jawa (atawa sengkala Wuk Guneng Ngesthi Nata, sama kaya' 16 Désèmber 1900). Serat Darmagandhul tu atu tembang macapat sastra Jawa Anyar nyang basanya maké ngoko. Diomong kalo Sabdapalon kadanan nerima sewayah Brawijaya diturunin pas taon 1478 ama balatentara Kerajaan Demak nyeng bolé bantuan deri Walisanga (Senajan lumbrahnya dalem sumber sejarah dibilangin kalo Brawijaya diturunin ama Girindrawardana). Terusannya, dia ada ngucap bakal balik abis 500 raon, pas calui pada ngejeprah èn bencana pating ngejetèr, bakal nyapu Selam deri tana Jawa èn balikin kejayaan agama èn kebudayaan Jawa (dalam Darmagandul, agama orang Jawa disebut agama Budi), nyeng baheulanya ajaran Buda berèrodan ama ajaran Hindu. Serat Damarwulan èn Serat Blambangan gè' ngasi omong ni orang.

Taon 1978, Gunung Semèru meletus èn ngeja separo orang nyacain ni Sabdapalon punya ancer-ancer. Sabdapalon dihormatin bakal orang agama Hindu di Jawa serènta bakal orang nyeng ngikut atu pèrkah, tulad Kejawèn.

Sabdapalon sokanan dijuntrungin ama atu orang sèjèn, Nayagènggong nyeng juga' tukang ngewèjang Brawijaya V. Sebenernya ora danta ni dua orang tu sama apa béda. Ada nyeng ngomong kalo dua-duanya tu gambarin dua sipat bakal hatu orang. Wayah gini, Sabdopalon punya wèjangan atawa ajaran dijadiin hatu kitab nyeng isinya ceritra sejarah mulainnya kabupatèn Pati dalem bentuk babad nyeng ceritrain soal kebaè'an deri tana Jawa punya moyang.^[1]^[2]

Asal-muasal

Kata guru dukun, kewontenan Sabdapalon ora laèn tu sosok raja jin Gunung Tidar, Jawa Tenga. Dia punya warakas bakal bikin angker pulo Jawa ampé-ampé sultan Turki Usmani, Muhammad I, ngirim Sèh Subakir bakal rukyah pulo Jawa.

Mangkanya sultan Turki Usmani, Muhammad I, ngirim Sèh Subakir deri negeri Parsi èn dia punya mamang Maulana Malik Ibrahim bakal umrup siar da'wah di Nusantara. Singgernya, Sèh Subakir jadi ulama Parsi nyeng ngelakonin perjanjian ama Sabdapalon èn kemariannya dikasi ijin bakal umrupin siar agama Selam di tana Jawa.

Sejarah

Sabdapalon mirip ama Semar dalem lakon Mahabharata pèrsi Jawa. Dalem dunia pewayangan, dia nongtot bareng dia punya anak, nyaentu Garèng, Udèl, èn Bagong.^[3]

Kata ahli èlmu manusia Paul Stange dalem dia punya pengajian taon 1988 bilang kalo Sabdapalon tu ngejelma jadi Semar nyeng dijadiin mahaguru di tana Jawa. Dia pada tu titisan déwa deri kayangan nyeng sengaja mudun ke bumi bakal jadi penakawan.

Gawéannya jadi tukang momong raja èn tukang ngangon abdi dalem. Ni nama sokanan dirèndèngin ama sosok Nayagènggong. Dua-duanya terus-terusan wonten ngirinin guwernemèn raja Jawa di jaman Hindu-Buda.

Bakal dinyahoin kalo Sabdapalon èn Nayagènggong laèn nama asli, cuman gelar nyeng dipasiin lantaran pas ama sipat èn tugas nyeng di, Sabdapalon dima'nain jadi kata-kata deri dia punya nama.

Sabdapalon dima'nain jadi dua, nyaentu "sabda" nyeng dimanain "orang nyeng ngasi wèjangan atawa ajaran" èn "palon" nyeng dima'nain kuncèn kebeneran nyeng begaong di alam semesta.

Takanu, Nayagènggong ada punya ma'na "naya" nyeng dima'nain abdi raja èn "gènggong" nyeng dima'nain ngulang-ngulang sora. Jadinya, Nayagènggong tu hatu abdi nyeng wani ngèlingin raja terus-terusan soal kebeneran èn wani nanggung lantaranannya.

Ruju'an

↑ "Legenda dari era Majapahit"". Diarsipin deri nyang asli tanggal 2018-09-26. Dipungut 2018-09-26. {{cite web}}: Unknown parameter |dead-url= ignored (|url-status= suggested) (pertulungan)
↑ MARDIYONO, PERI (2020). SEJARAH KELAM MAJAPAHIT Jejak-jejak Konflik Kekuasaan dan Tumbal Asmara Di Majapahit (dalem basa Indonésia). Araska Publisher. ISBN 978-623-7537-65-6.
↑ Suprapto, Hadi (2020-06-15). "Sabdo Palon nagih janji kembali kuasai tanah Jawa". Hops.id - Trending & Viral. Hops Media Digital. Dipungut 2020-06-15.

Sènggètan luar

(Inggris) Great Expectations: Hindu Revival Movements in Java, Indonesia oleh Thomas Reuter Archived 2004-08-20 at the Wayback Machine

[1] "Legenda dari era Majapahit"". Diarsipin deri nyang asli tanggal 2018-09-26. Dipungut 2018-09-26. {{cite web}}: Unknown parameter |dead-url= ignored (|url-status= suggested) (pertulungan)

[2] MARDIYONO, PERI (2020). SEJARAH KELAM MAJAPAHIT Jejak-jejak Konflik Kekuasaan dan Tumbal Asmara Di Majapahit (dalem basa Indonésia). Araska Publisher. ISBN 978-623-7537-65-6.

[3] Suprapto, Hadi (2020-06-15). "Sabdo Palon nagih janji kembali kuasai tanah Jawa". Hops.id - Trending & Viral. Hops Media Digital. Dipungut 2020-06-15.

[1]

[2]

[3]