Pocong

Pocong (hurup Arab gundul: فوچڠ) atawa sétan pocong (hurup Arab gundul: شيطان فوچڠ) ya'entu sétan nyang wujudnya manusia cumanan badannya diiket paké kaén kapan. Enni sétan juga mashur di negeri Malésia, cuman sebutannya jadi hantu bungkus. Ada berapa tempat nyang manggil enni sétan jadi hantu kaén kapan. Katanya mah, pocong entu sétan nyang rohnya kaga' bisa lepas lantaran tali kapannya kaga' dibuka keja bener. Mangkanya, abis 40 ari entu pocong kaga' dibuka tali kapannya, entu sétan ménta' pertulungan ama orang nyang masi idup biar iketan kapannya dilepasin. Jadinya, entu pocong rohnya bisa pulang dengen damé.