Pendodèt

Pendodèt (hurup Arab Gundul: فندوديت; Inggris: hacker) atawa tukang dodèt (hurup Arab Gundul: توکڠ دوديت) entu orang nyang betungsé ngegasir orang laèn punya kumpiuter paké peranti alus kumpiuter. Ni peranti alus mentak program kuda Troya, kuman kumpiuter, atawa kremi kumpiuter. Ni istilah dulunya sebenernya artinya orang nyang hoding ngutak-atik hal anyar di kumpiuter. Sebenernya, istilah nyang bener bakal nyebut orang nyang demen nglakonin ni tindakan haram entu penggasir atawa tukang gasir (cracker), cuman banyak orang pada lumpar maké ni kata. Atu ma'na laèn deri pendodèt entu orang nyang bisa ngerobah atawa mrogram satu hal, kaé orang bisa ngerobah atawa mrogram Furby bakal ngata-ngatain atawa nglèdèk.

Orang nyang nglakonin tindakan haram ama orang laèn punya kumpiuter sonder tu orang punya ijin juga' digero'nya pendodèt.

Ni taon-taon belakangan, kumpiuter mingkinan ribet. Artinya, orang nyang ada niatan jelèk mingkin gableg kan bakal maké entu bakal nglakonin jahat-jahat. Tukang insinyur kumpiuter kaga' udu bisa nemuin tempat-tempat nyang tèlo dalem kode kumpiuternya. Nah, itu orang-orang pendodètan demen pisan ngudag-udag tempat nyang kaé gitu èn maké tu sela.

Ada juga pendodèt nyang maké itu kemonèsan bakal tujuan baè'. Ni macem pendodèt digero'nya pendodèt cepiu puti. Dia pada kerjaannya ngebantu tukang insinyur bakal nyari tempat-tempat nyang tèlo èn ngedangdanin masalahnya.

Bakal jadi pendodèt, orang kudu ngelah kemonèsan nyang banyak. Sorang pendodèt kudu bisa nemuin masalah ama pemecahannya nyang orang pating kaga' gableg nemuin.