Pelembungan terbang
Pelembungan terbang (hurup Arab Gundul: فلمبوڠن تربڠ) atawa pelembungan udara (hurup Arab Gundul: فلمبوڠن اودارا) entu pelembungan—semacem kaya' kapal terbang—nyang dikompa paké angin, abisannya diiberin ke awan. Itu pelembungan terbang bisa ngambang di awan sebab lantaran adanya ungkulan kambangnya.
Sanonya, udara nyang dikompain entu jat aèr. Cuman takutnya meledug, nyang dipaké wayah gini entu gas mulia hélium bakal alat penggeraknya.
Pemakéan pelembungan terbang nyang rapi ditaunya pas pengrubungan Parès selamanya tahon 1870 bakal ngirim loper deri itu kerubungan. Lagito, nyang dikirimin ada 60 pelembungan. Salah atunya, nama Ville de Orléans, nyasar deri jalannya, ampé-ampénya malah ke Télémarek, Norwèhen.