Opelèt
Opelèt (hurup Arab Gundul: اوفلت) atawa' sering juga' ditulis oplèt atawa ostin (hurup Arab Gundul: اوستين) nya'entu semacem gandaran tambangan nyang dulu pating seliweran di jalanan Jakarta. Orang kata, nama "opelèt" asalnya dari mèrek mubil Opel (Opelette 'opel kecil')[1], sala atu mèrek nyang dikeja bakal opelèt. Tapi, ada juga nyang bilang katanya deri perkataan auto-let 'mubil kecil'. Adapun nama "ostin" asalnya deri mèrek mubil Austin; èmang tipe mubil Austin Morris nyang banyak dipaké bakal jadi opelèt, tuladnya kaya' nyang dipaké ama Mandra di pèlem Si Doel Anak Sekolahan.
Jaman dulu, opelèt pating dipaké bakal ngladènin rit tambangan penting di hopstad. Nyang bekèn, misalnya, rit Kota–Tenabang, Kota–Senèn, Senèn–Mèstèr, ampé juga' rit Kampung Melayu–Pasar Rebo. Walakin mah, sekarang opelèt udah apkir lagi ohir. Paling-paling nyang ada tinggal buat pèjèngan, simpenan kolèktor, atawa perlengkepan bakal ngeja pèlem atawa potrèt. Kalo bakal tambangan mah, opelèt udah lama digantiin ama mikrolèt, bajé, èn sebangsanya.
Ruju'an[permak | permak sumber]
- ↑ "De Opelette". Bataviaasch Nieuwsblad. (11 Nopèmber 1932).