Nètplik
Nètplik (hurup Arab Gundul: نتفلي) atawa dalem èjaan aslinya Netflix, Inc. (bacanya /nɛtflɪks/) ièlah pengongsog ladènan rojogan (streaming) média digital. Nètplik punya hopkantor ada di Los Gatos, Kaliporni. Ni matskepé dikeja tahon 1997 ama Reed Hasting èn Marc Randolph di Scotts Valley, Kaliporni. Ni matskepé punya usaha utama ièlah ladènan pengrojogan (streaming) abudemèn nyang nanjain pèlem ama acara tipi, masup juga' acara Nètplik punya bikin kendiri.
Sanonya, Nètplik ngeharkat dia punya usaha jadi perkoper ama penyèwa DVD liwat pos nyang entakannya pindah pancer ke usaha penyèwaan DVD. Semprakan tahon 2007, Nètplik nglèbarin dia punya usaha dengen média rojogan (streaming).