Loncat ke isi

Mobil wahon

Deri Wikipedia
Mobil wahon Renault T-Truck

Mobil wahon[1] atawa mubil wahon (hurup Arab Gundul: موبل واهون atawa موبل واخون) atawa prahoto[2] (hurup Arab Gundul: فراه اوتو atawa فراخ اوتو) entu gandaran roda empat atawa lebi bakal ngangkut barang. Mobil wahon juga' sering digero' 'mobil barang'. Nyang rada kecilan en ngablak sebagéannya ada punya nama mobil bak (hurup Arab Gundul: موبل بک) atawa losbak (hurup Arab Gundul: لوسبک) atawa mobil pikep (hurup Arab Gundul: موبل فيكف) atawa pikep baé. Mobil wahon nyang ada punya sumbu 3, 1 di depan ama tandem di belakang digeronya tronton, èn nyang bakal ngangkut kontèner nyang digancet – mobil trèler (hurup Arab Gundul: موبل تريلر). Ada juga mobil tèngki (hurup Arab Gundul: موبل تڠکى) bakal ngangkut macem-macem caèran kaya' aèr, susu, bèngsin, hata tinja. Kalu nyang rodanya ampé 10 biji, namanya mobil nirub (hurup Arab Gundul: موبيل نيروب).[3]

  1. Chaer, Abdul. (2009). Kamus Dialek Jakarta. K. Perb. Penerbit Masup Jakarta.
  2. Kamus Besar Bahasa Indonesia. "Prahoto". Dibuka tanggal 2 Juli 2023.
  3. Chaer, Abdul. (2009). Kamus Dialek Jakarta. K. Perb. Penerbit Masup Jakarta.