Mesin ngomong kenong-kenong

Mesin ngomong kenong-kenong (hurup Arap gundul: مسين ڠوموڠ کنوڠ٢, basa Inggris/Ènggris: recorder) atawa mesin ngomong suara kenong-kenong (hurup Arap gundul: مسين ڠوموڠ سوارا کنوڠ٢)^[1] atawa mesin omong suara kumpul kenong (hurup Arap gundul: مسين اوموڠ سوارا کمفول کنوڠ)^[2] ya'entu mesin nyang dipaké jadi alat bakal nangkep suara èn dijadiin rekeman kombali biar orang-orang pada bisa denger suara atawa bunyi nyang ditangkep. Mesin ngomong kenong-kenong biasanya dipaké orang-orang bakal nyanyi-nyanyi atawa nanji èn nantinya bakalan didengerin lagi bakal diponten entu suara atawa bunyinya udah bagus atawa masih sembèr.

Wasilah bakal nangkep suara terus mingkinan jadi mutahir deri jaman ke jaman. Sanonya entu dari pelat item, terus ke CD, ampé ke MP3.

Ruju'an

↑ al-Batāwī, Sayyid ʿUṡmān b. ʿAbd Allāh b. Yaḥyā. (k. t.). Ṭulūʿ al-murtafiʿ: fī bayān masʾalah mesin ngomong suara kenong-kenong. Betawi.
↑ al-Batāwī, Sayyid ʿUṡmān b. ʿAbd Allāh b. Yaḥyā. (1327 H). Ini risalah bernama perihal mesin omong suaranya kumpul kenong. Betawi.

[1] -Batāwī, Sayyid ʿUṡmān b. ʿAbd Allāh b. Yaḥyā. (k. t.). Ṭulūʿ al-murtafiʿ: fī bayān masʾalah mesin ngomong suara kenong-kenong. Betawi.

[2] -Batāwī, Sayyid ʿUṡmān b. ʿAbd Allāh b. Yaḥyā. (1327 H). Ini risalah bernama perihal mesin omong suaranya kumpul kenong. Betawi.

[1]

[2]