Mesin impleng LCD
Mesin impleng LCD (sering dibaca: èlsidi; hurup Arab Gundul: مسين امفلڠ السيدى; Inggris: LCD projector) atawa mesin sorot LCD (hurup Arab Gundul: مسين سوروت السيدى) entu atu macem mesin impleng delengan bakal mampangin dedelengan, gambar, atawa data kumpiuter di kelir atawa natar pèdèl laènnya. Ni entu surupannya wayah gini punya mesin impleng slèrèkan atawa mesin impleng OHP. Bakal mampangin gambar, mesin impleng LCD (pampangan balur caèr) nèmbakin itu cahaya deri lampu halide logem liwat atu prisma atawa omplokan saringan pèlem tipis nyang misahin cahaya jadi tiga panèl polisilikon – sorang atu bakal unsur mèra, ijo, ama blao deri sinyal dedelengan. Sebab cahaya nyang kepolarisasi nglantasin panèl (gabungan saringan polarisasi, panèl LCD, èn penganalisir), piksel satuan kena dibuka' bakal ngasi jalan cahaya atawa malang jalannya cahaya. Gabungan deri piksel kebuka ama ketutup kena ngasilin roncèt-roncèt kelir èn bayangan di gambar nyang diimpleng.