Mesin Rèndèng Tundanan Jakarta
Mesin Rèndèng Tundanan Jakarta (diringkesin jadi MRT Jakarta atawa MRTJ; basa Inggris: Jakarta Mass Rapid Transit; urup Arab Gundul: مسين ريندڠ توندانن جاکرتا) sistem gandaran dengen juntrungan tundanan (rèl) nyang sigrah di Jakarta. Tangèhan enni gandaran dimulain taon 2013. Jalur nomor wahid deri layanan MRT Jakarta dijalanin tanggal 24 Maret 2019. Terusannya, nyadiin layanan bakal MRT kehatu nyang dijalanin di Indonésia.
Layanan MRT Jakarta dijalanin ama PT MRT Jakarta (Perseroda), BUMD DKI Jakarta. Jalur nyang udah dijalanin enni wayah entu jalur nyang mentang ampé 15,7 km nyang nyuntrungin statsiun Lebak Bulus ama statsiun Bunderan Hotèl Indonésia.