Maèn top
Maèn top[1][2] (hurup Arab Gundul: ماين توف) atawa ngetop[1] (hurup Arab Gundul: ڠتوف) atawa judi (hurup Arab Gundul: جودى) entu maènan nyang sepèlernya pada taroah milih atu pilihan deri berapa pilihan nyang entinya cuming atu pilihan doang nyang menang. Sepèler[3] nyang kèok tarohan kudu ngasi dia punya tarohan ama nyang menang. Peraturan ama jumblah tarohan dipastiin dulu sebelon mulain.
Undian atawa cabutan juga' dirèken atu bentuk maèn top, sebab aturan maènnya entu nyabitin keputusan paké milih acak. Cabutan juga' biasanya diadain bakal nyabitin pemenang peris[4]. Seupama, cabutan nyang mana penimbrungnya kudu beli tikèt nyang dikasi nomor dulu, entak itu nomer tikèt pada diacak-acak èn nyang dicabut entu nyang menang. Itu orang nyang mègang itu tiket nyang menang bakal dapet peris.
Ruju'an
[permak | permak sumber]- ↑ a b Chaer, Abdul. (2009). Kamus Dialek Jakarta. K. Rép. Penerbit Masup Jakarta.
- ↑ Kaptein, Nico J. G., Vrolijk, A., èn Ouwehand, L. (2018). Sayyid `Uthman of Batavia (1822- 1914) A Life in the Service of Islam and the Colonial Administration. Lèden: Universiteit Leiden. Gambar 14.1.
- ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Sepèler atawa spèler (hurup Arab Gundul: سفيلر) – pemain (Indo.); player (Ing.); speler (Wld.).
- ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Peris atawa pris (hurup Arab Gundul: فريس) – hadiah (Indo.); prize (Ing.); prijs (Wld.).