Lotèng

Lotèng (hurup Arab Gundul: لوتيڠ; hurup Tionghoa: 樓頂, tukerhurup: louding; basa Hokkièn: lauteng) atawa salang^[1] (hurup Arab Gundul: سالڠ) entu tempat nyang ada di bela atas rumah, bisa jadi gudang atawa tempat di atas plapon. Lajimnya lotèng dipaké bakal nyimpen barang-barang nyang kaga' dipaké lagi atawa barang nyang udah kapiran.

Adapun tèdèngannya lotèng nyang di bawahnya atep namanya ampok-ampok^[2] (hurup Arab Gundul: امفوق٢).