Lodewèk pan Bèthopen
Lodewèk pan Bèthopen (hurup Arab Gundul: لودويک فن بيتهوفن) atawa éjaan aslinya Ludwig van Beethoven (Dèt: [ˈluːtvɪç fan ˈbeːtˌhoˑfn̩] ( simak); baptis 17 Désèmber 1770 di Bon, wapat 26 Maret 1827 di Wènen) entu atu tukang bikin gending klasik deri Dètslan. Dia punya gawéan nyang bekèn entu simponi kelima ama kesembilan, èn juga lagu piano Für Elise ("Bakal si Èlis"). Dia didelok jadi salah atu tukang bikin gending paling besar èn tokoh penting dalem témpo peralihan deri jaman Klasik ke jaman Romantik. Pas dia orang masing muda, dia entu tukang maèn piano anlèhan, bekèn ama orang-orang penting èn orang-orang kandel di Wènen, Ostenrèk, dia punya tempat tinggal. Cuman, tahon 1801, dia mulain budeg.