Kutub Kidul
2. Kutub Kidul Kemahnitan (2007)
3. Kutub Kidul Kebumi-mahnitan (2005)
4. Tempat jin buang anak
Kutub Kidul (hurup Arab gundul: قطب کيدول) atawa Kutub Kidul Kebumian[1] (hurup Arap gundul: قطب کيدول کبومين; basa Inggris/Ènggris: South Pole) ya'entu ujung Bumi nyang paling kidul (90° lintang kidul). Kutub Kidul juga jadi sumbu Bumi. Orang nyang nemuin Kutub Kidul entu namanya Roald Amundsen deri negeri Norwèhen tanggal 14 Désèmber 1911. Di Kutub Kidul banyak sekali tempat orang-orang ngelakonin penelitian.
Ada dua jenis Kutub Kidul nyang ada di dunia, nyang atu entu Kutub Kidul Kebumian ama Kutub Kidul Kemahnitan. Kutub Kidul Kebumian entu sumbunya Bumi. Jadinya, entu sumbu Bumi bisa diibaratin sebagé pasak nyang ngeja Bumi muter deri kulon ke wètan, sedeng Kutub Kidul Kemahnitan entu ujung mahnit nyang nembus Bumi punya sintrem. Enni ihwal bikin Bumi ada punya kekuataan mahnit nyang bikin Bumi ada punya tamèng biar Bumi punya kawasan tanah kaga' kemasupan nur kosmis deri luar angkasa. Jadinya, mahluk hidup nyang duduk di Bumi jadi aman. Taon 1985 diketauin kalo Kutub Kidul Kemahnitan entu ada di 65° lintang kidul 140° bujur wètan.
Ruju'an[permak | permak sumber]
- ↑ Kebumian (hurup Arap gundul: کبومين) – geografis (Ind.); geographic (Ing.)