Kumputer tèngtèng
Kumputer tèngtèng (hurup Arab Gundul: کمفوتر تڠتڠ) atawa kumputer pangku (hurup Arab Gundul: کمفوتر فڠکو) atawa kumputer lepit (hurup Arab Gundul: کمفوتر لفيت) atawa lèktop (hurup Arab Gundul: لقتوف; Inggris: notebook) ya'entu jenis kumputer nyang bisa ditèngtèng-tèngtèng ke mana-mana. Enni jenis kumputer bisa dilepit jadi ringkes biar ngeja gampil kita punya urusan. Jadinya, kita punya urusan bisa digawé di mana-mana tempat. Kalo dilongok deri gedé-kecilnya, enni kumputer kecil pisan, jadi èntèng. Kumputer tèngtèng bisa dicas jadinya kalo batré abis bisa tinggal colok aja ke sokèt di mana-mana tempat. Kumputer tèngtèng bisa tahan ampé dua-tiga jam sebelon batrénya beneran abis.