Kerak telor

Kerak telor Betawi

Kerak telor (hurup Arab gundul: كرق تلور) entu atu makanan has orang Betawi, nyang dikeja'nya deri beras ketan putih, kelapa muda parut nyang disangrai, telor ayam atawa bèbèk nyang dikasih bumbu biar gurih. Banyak nyang pada dagang kerak telor terutama pas wayahnya ada acara keramèan. Kaya' misalnya acara Pekan Raya Jakarta udah pasti banyak penjual kerak telor nyang ngumpul dan ngejualin dia-dia punya dagangan kerak telor. Jajanan nyang atu enni èmang udah jadi ciri has dari budaya Betawi nyang mukim di Jakarta èn segutekannya.