Kepercukongan
Kepercukongan (hurup Arab Gundul: کفرچوکوڠن) atawa cecukongan (hurup Arab Gundul: چچوکوڠن) atawa kapitalisme (hurup Arab Gundul: کافيتلسمه) entu atu sistim atur banda nyang wasilah pengerjaannya digablegin ama dikendaliin partikelir bakal untungnya.[1]
Banda nyang digablegin ama préman[2][3] atawa perorangan, bukan ama guwernemèn sering dibilangnya banda partikelir. Nah, cukong, nyang empunya punci, entu pada betungsé bakal dapet untung nyang segedé-gedénya. Dengen ni asas, guwernemèn kaga' bisa ngelakonin pengrècokan pasar biar dapet untung barengan, mar pengrècokan guwernemèn dilakonin gedé-gedéan bakal perorangan punya kepentingan.
Dalem téorinya, di èkonomi pasar ènggal cukongan, harga pada saingan dah naèk-mudunnya, begantung tu barang lagi ngaprah apa kaga', tu barang banyak nyang rekès apa kaga'. Di banyak negara, ada aturan (hukum dagang) èn pengrencanaan ama guwernemèn. Kadang, ni digero'nya "atur banda kacukan" (mixed economies). Orang ada nyang kaga' sepakat apa kepercukongan entu pikiran bagus, apa kaga', atawa pegimana bagus dia punya jalan.
Ruju'an[permak | permak sumber]
- ↑ Chris Jenks. Core sociological dichotomies. SAGE, h. 383.
- ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Préman (hurup Arab Gundul: فريمن) kaga' cuman dita'rip sebagé "jèger" atawa "orang nyang seèco-èconya nglakonin barang", mar juga' bisa' diartiin "perorangan; swasta; partikelir".
- ↑ Saidi, Ridwan. (2007). Glosari Betawi: Kamus kata-kata, nama, dan peristiwa dari zaman prasejarah hingga zaman moderen. Betawi Ngeriung. Préman (hurup Arab Gundul: فريمن) kaga' cuman dita'rip sebagé "jèger" atawa "orang nyang seèco-èconya nglakonin barang", mar juga' bisa' diartiin "perorangan; swasta; partikelir".