Loncat ke isi

Kepala

Deri Wikipedia
Pala orang, deri buku Gray's Anatomy

Dalem èlmu tasrih, kepala (hurup Arab Gundul: کفال) atawa pala (hurup Arab Gundul: فال) entu bagèan ujung depan awak nyang biasanya kediri deri otak, mata, kuping, idung, èn mulut (kabèhannya ngebantu macem-macem pungsi pengrasanan kaya' pengiatan, pendengeran, pengendusan, ama pengicipan). Berapa binatang nyang ringkes banget kaga' gableg pala, cuman binatang nyang medu dua sisinya entu nyang biasanya pada gableg pala.

Kepala orang[permak | permak sumber]

Kepala orang entu atu atuan bagèan awak nyang kebentuk deri tengkorak, tulang bawah lida, èn tulang lèèr. Kepala orang dapet pasupan darah liwat pembulu nadi kepala luar ama dalem. Kebanyakan deri kepala punya kendali sarap diojogin ama dua belas pasang sarap otak.

Kepala orang, wabilhusus muka, entu atu ciri utama nyang ngebèdain atu orang ama orang laènnya, bahna ada ciri-ciri nyang has èn roncèt serènta gampil dikenalin di mukanya, kaya' kelir mata ama rambut, bentuk-bentuk anggota indrawi, èn kisut-kisutan di kulit muka.

Ruju'an[permak | permak sumber]