Kelimaan

Kelimaan (hurup Arab Gundul: کليماءن; Indonésia: formalitas) entu tata cara atawa sepèdèngan abet atawa omongan nyang udah dimantepin, nyang secara engehannya mèmper ama upacara biar kata biasanya mah cuman reécé doang. Kelimaan bisa aja seinggan salaman pas baru kenalan di budaya Kulon ampé-ampé tata cara nyang bener-bener kudu poma dijalaninnya kaya' soja, salaman, tabé-tabéan, ama tukeran kartu nama nyang biasanya nandain adanya kenalan dua pengusaha di Jepang. Kalu di kalangan hukum ama kenegaraan, kelimaan juga' nglingkup hal-hal kaya' nyabanya hop negara dengen iringan tembang kebangsaan.