Kampung perangkèngan Natsi
Kampung perangkèngan Natsi (hurup Arab Gundul: کمفوڠ فرڠکڠن ناتسى; Dèt: Konzentrationslager) ièlah atu kampung rodi ama kampung cilaka nyang dijalanin ama orang Natsi jaman Perang Dunia Kedua di antéro wilayah cedèkan Rèk Ketiga bakal dibui, dijongosin, ama dipites-pites itu orang Yahudi pada ama orang-orang nyang Parté Natsi gedegin. Ni wasilah – wasilah paling kebina-bina deri pembèrèsan pemungkas nyang jadinya Bahla Pemitesan. Tahanan kebanyakan pating diangon paké mubil angon. Pas udah mao nyampé, tu orang pada dilepas-lepasin bandanya, terus dibawa' ke Pemilihan (tempat Natsi nyabitin mana nyang idup, mana nyang paèh). Entakonoh, tu orang pada diplontosin, èns. Kewontenannya mah ngerihu kaga' manusianya.