Kèkèran
Kèkèran (hurup Arab Gundul: کيکيران) entu atu peranti bakal orang ngiat jau lebi danta. Ni tèhnologi digeronya tèhnologi optik. Kèkèran dikeja deri atu pasang kèkèr (teleskop) nyang dipasangin èn dipasang percis di pemakénya punya mata.
Itu dua kèkèr sepasang gableg lènsa nyang mokusin cahaya èn nggedéin gambarnya. Kapan sorang ndeleng benda deri jau liwat tu kèkèran, tu orang bisa ngiat tètèk bengèknya danta.
Kèkèran jaman jebot ada punya kèkèr Galilé sonder prisma. Wayah gini, kebanyakannya udah ada prismanya di dalem, nyang nglepit delapan jalan bakal mèndèkin panjang tabungnya. Entu dia mangkanya kèkèran rada pèndèkan deri kèkèr pakem seungkulan[1] nyang umumnya.
Kèkèran ditemuin selamanya abad ke-17. Ni peranti ngeja pemaké kèkèr bisa ngiat paké dua matanya. Angkatan Matros Britani Gedé dulunya maké kèkèr tunggal, cuman sekarang semua kapal udah gableg kèkèran anteb[2]. Tu kèkèran anteb dicokolin di pejogrogan (swivel) bakal ngrèpè'-ngrèpè' upuk. Kèkèran juga' atu mas'alah pakem dalem hal militèr. Kèkèran malem (night vision binoculars) maké peranti lèstrik potokatode (photocathode) bakal ngedantain gambarnya.
Kèkèran juga' dipaké kapan orang nonton lènong di tempat nyang rada gedéan, tukang manteng èlmu palak aca-écé, èn bakal ngiat pemandangan.
Ruju'an
[permak | permak sumber]- ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Ungkulan (hurup Arab Gundul: اوڠکولن) – tenaga, daya (Indo.); power, energy (Ing.).
- ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Anteb (hurup Arab Gundul: انتب) – berat (Indo.); heavy (Ing.).