Janda Item (Natasah Romanowah)
Janda Item (hurup Arab Gundul: جندا ايتم; Inggris: Black Widow) atawa aslinyah Nataliah “Natasah” binti Alian Romanowah (Hurup Arab Gundul: ناتالية بنت اليان رومانوة; Rus: Наталья Альяновна "Наташа" Романова; Inggris: Natasha Alianovna "Natasha" Romanova) nya'entu tokoh nyang nongol di buku-buku ceritra cèmèn Marvel Comics punya terebitan. Dikeja ama Stan Lee, atu tukang permak ama rancang naskah, Don Rico, atu tukang bikin naskah, èn Don Heck, atu tukang seni, ni tokoh baru nembèl di Tales of Suspense #52 (April 1964).[1][2] Ni tokoh dikenalinnya jadi atu sèko' Rus, lawannya jagoan hèbat Manusia Waja. Entakonoh, dia nginclok ke Amrik Serèkat, jadi sèrsi di atu ahènsi inté karang-karangan, nama S.H.I.E.L.D. èn jadi atu anggota jagoan hèbat nama, Para Pembales.
Adapun dia punya penggambaran di gambar-gambar cèmèn atawa pèlem-pèlem biasanya wadon nyang jogrogannya bagus, paké baju célé singset warna item, ama rambutnya mèra.
Ruju'an[permak | permak sumber]
- ↑ Cronin, Brian. (21 Sèptèmber 2019). "When Did Black Widow's Hair Become Red?". CBR. Dipungut per 14 Agustus 2023.
- ↑ Johnston, Rich. (9 Juli 2021). "The Comics Creators Thanked In Black Widow And Who They Missed". Bleeding Cool News And Rumors. Dipungut per 14 Agustus 2023.