Ida Royani

Ida Royani
Ida Royani
Berojol	Ida Daniar; Maret 24, 1953 (age 71); Jakarta, Indonesia
Kebangsaan	Indonesia
Other names	Ida Royani
Alma mater	London Academy of Modelling (1975–1976)
Pegawéan	Pemeran; Peragawati; Penyanyi; Perancang busana; Politikus;
Years active	1961–sekarang
Political party	Partai Amanat Nasional (2014—sekarang)
Spouses	; Tengku Abdul Aziz (kw. 1976; cr. 1978) ; Keenan Nasution (kw. 1979)
Children	7, termasuk Jenahara Nasution
	Sablonan:Infobox musical artist

Ni makalè maké logat
Betawi Kotè.

Ida Daniar (hurup Arab Gundul: ايدا دانيار‎) (berojol 24 Maret 1953) atawè bekènnyè Ida Royani (hurup Arab Gundul: ايدا روياني‎) entu tukang pèjèng, tukang lakon, tukang nyanyi, tukang rancang baju, amè pulitikus Indunisiè. .

Riwayat idup

Ida Royani berojol di Jakartè tanggal 24 Maret 1953. Diè mulain diè punyè jalan gawé jadi bintang i'lan amè tukang nyanyi bocè tahon 1960-an. Pas masing anak baru gedé, diè pindè dèh tu jadi tukang nyanyi musik country nyang ciri hasnyè maké celanè hot pants amè patu lars. Lagu udik Amrik (country) nyang bekèn segituan entu kaya' Sepatu Baru amè Gunung Agung.

Jalan gawé Ida muncer-muncer setidè' kapan diè kepapagan amè Benyamin Suaèb di Studio Dimita punyènyè tukang usahè Dick Tamimi. Di situ dèh diè bolé dapet tanjaan bakal nyanyi bareng Benyamin. Lagu-lagu bekèn nyang diè bawa'in amè Benyamin S. entu kaya' Gambang kromong, Di sini ajè, amè Ujan gerimis. Ni nyanyi barengan ampé terus ke kelir lèbar liwat pèlem bodoran kaya' Tarsan Kotè amè Benyamin Biang Kèrok.

Jalan gawé

Tahon 1975, Ida Royani lulus deri London Academy of Modeling di Inggris amè mulain masup ke pak hodeng prak pala 1980-an bahnè jalan gawényè di duniè iburan mulain belèl. Ida Royani kecatet jadi orang pertamè nyang ngerancang baju selam di Indunisiè. Diè juga' tau nimbrung adu pèjèng baju selam di macem-macem negarè kaya' Singgapurè, Malésiè, Pilipénen, amè Pakistan. ^[1]

Wayè gini, Ida Royani getol di paguyuban APPMI (Asosiasi Desainer Pengusaha Busana Indonesia) nyang rajin ngadain pemèjèngan baju saben tahonnyè.

Jalan gawé pulitik

Di pemilian umum déwan pengejè wèt Indunisiè tahon 2014, liwat Parté Amanat Nasional, Ida Royani nyalonin diri jadi calon anggotè pengejè wèt deri daèrè pemilian DKI Jakartè III, cuman boncos ngga' dapet korsi di kumidi omong.

Keidupan sorangan

Ida Royani kawin amè tukang tanji rock Keenan Nasution tahon 1979. Ida amè Keenan dapet anak perampuan namè Faradina Nasution amè Jenahara Nasution.

Ruju'an

↑ "Ida Royani Fashion Gallery Website". fashion.com. Diarsipin deri nyang asli tanggal 2013-10-20. Dipungut 21 November 2014. {{cite web}}: Unknown parameter |dead-url= ignored (|url-status= suggested) (pertulungan)

[1] "Ida Royani Fashion Gallery Website". fashion.com. Diarsipin deri nyang asli tanggal 2013-10-20. Dipungut 21 November 2014. {{cite web}}: Unknown parameter |dead-url= ignored (|url-status= suggested) (pertulungan)

[1]