Haminté
Haminté[1] (hurup Arab Gundul: همينتى atawa خمينتى) entu atu wilayah bestir[2] nyang dita'rip danta-danta èn penjogrognya galibnya ngruju' ke atu kota atawa désa, atawa kelompok kecil deri tu èntitèt pada. Atu haminté biasanya dipimpin ama atu berehmister[3] èn atu hamintérad[4].
Di banyak negara, haminté jadi atu anakpembagèan bestir nyang paling kecit nyang ada punya wakil pemimpin nyang dipili dèmokratis kendiri.
Di beberapa negara, haminté juga' disebutnya sebagé kumine[5], tulad: di Prasman digero' commune, di Itali – comune, atawa di Swèden – kommun.
Ruju'an[permak | permak sumber]
- ↑ Chaer, Abdul. (2009). Kamus Dialek Jakarta. K. Rép. Penerbit Masup Jakarta. Haminté (hurup Arab Gundul: همينتى atawa خمينتى) – munisipalitas (Indo.); municipality (Ing.); gemeente (Wld.).
- ↑ Bestir (hurup Arap gundul: بستير) – pemerintah (Indo.); government (Ing.); bestuur (Wld.).
- ↑ Berehmister (hurup Arap gundul: برهميستر) – walikota (Indo.), mayor (Ing.); burgemeester (Wld.).
- ↑ Hamintérad (hurup Arap gundul: همينتيراد atawa خميتيراد) – dewan kota (Indo.), city council (Ing.); gemeenterad (Wld.).
- ↑ Kumine (hurup Arap gundul: كومينه) – komune (Indo.); commune (Ing.); commune (Pra.).