Hèngpon
Hèngpon (hurup Arap gundul: هڠفون; basa Inggris/Ènggris: handphone) atawa pesawat (hurup Arap gundul: فساوت) atawa mesin pesawat (hurup Arap gundul: مسين فساوت) ya'entu mesin kuminikasi lèstrik nyang ada punya keboléan kaya' bèl biasa. Kegunaannya utamanya entu ngebèl orang nyang jauh biar orang-orang bisa bareng-barengan ngebuka omongan. Nyang bikin béda ama telpon entu hèngpon bisa dibawa ke mana-mana, terus juga èntèng juga. Selaèn entu, hèngpon pake sinyal dari satelit jadi kaga' kaya' telpon nyang paké kabel.
Hèngpon jaman baheula maké tut[1] biar dipaké sebagé alat bakal ngetik. Entu papan ketiknya ada sembilan tut. Masing-masing tut ada punya hurup atawa tenger sendèwèk-sendèwèk. Saban mijet tutnya, kadang kuar bunyi-bunyi tèt-tot-tèt-tot nyang nengerin kalo tutnya lagi dipijet. Hèngpon wayah gini udah kaga paké tut macem jaman baheula. Hèngpon wayah gini udah paké layar tonjok. Hèngpon bagéan depannya udah dipenuhin ama layar. Deri enni layar, bisa keliatan apa-apa program nyang ada di dalem entu hèngpon.
Ruju'an
[permak | permak sumber]- ↑ Tut (hurup Arap gundul: توت) – tombol (Ind.); button (Ing.); toet (Wld.)
