Hènbodi
Hènbodi (hurup Arab Gundul: هنبودى) atawa Hèmbodi (hurup Arab Gundul: همبودى) atawa Hèngbodi (hurup Arab Gundul: هڠبودى; Inggris/Ènggris: lotion; Indonésia/Èndonésa: calir atawa losion) ya'entu benda caèr nyang dikeja deri campuran bahan-bahan kimia èn wangi-wangian nyang dipaké bakal kulit biar alus atawa bagus. Jadinya kulit kaga' busikan èn jadinya terasa lebi sihat. Hènbodi dipaké ke kulit langsung. Biasanya hènbodi dipaké di tangan atawa kaki. Cara balurnya entu biasanya bisa langsung aja paké tangan langsung, bisa paké kuas, atawa paké kapas.