Kapal kitiran

Kapal kitiran (hurup Arab Gundul: کافل کيتيران‎) atawa hèlikupter (hurup Arab Gundul: هليکوفتر‎) entu kapal udara nyang lebi anteb ketimbang udara, sèpètnya muter nyang pengleletnya rotor digerakin ama mesin.^[1] Kapal kitiran entu kapal udara nyang ngangkat ama kedorongnya paké atu atawa lebi penglelet (kitiran) cèblèk nyang gedé. Kapal kitiran digolongin jadi kapal sèpèt muter biar béda ama kapal sèpèt ajeg biasa laènnya. Kapal kitiran nyang dijalanin paké mesin bolé bikinan orang Slowak nama Jan Bahyl.

Kalo diserambahin ama kapal sèpèt ajeg, kapal kitiran, mah, bolé dikata, lebi ribet ama lebi mahal harganya ama ngejalaninnya. Udahnya, alon banget, lagi, terus apstan sasabannya juga’ bisa’nya nyang deket-deket aja ama muatannya kewates. Kalo untungnya, ya, gerakannya. Kapal kitiran bisa’ terbang di tempat, ngaterèt, terus budal terbang ama neba’nya langsung naèk-turun aja. Biar kata tandon bèngsinnya kaga’ sepira, terus muat ama mentilnya juga’ kaga’ gedé-gedé amat, kapal kitiran, mah, bisa’, dah, tuh, mao terbang ke mana aja, ke darat mana aja tibang butuh bulakan nyang cuman segedé pengleletnya ama separo garis belèknya diameter . Ales kapal kitiran atawa pènclokannya dibilangnya helipad.

Paranan

↑ "Undang-Undang Nomor 1 Tahun 2009 Tentang Penerbangan". Diarsipin deri nyang asli (PDF) tanggal 2014-05-05. Dipungut 2012-08-01. {{cite web}}: Unknown parameter |deadurl= ignored (|url-status= suggested) (pertulungan)

[Undang-Undang_Nomor_1_Tahun_2009_Tentang_Penerbangan-1] "Undang-Undang Nomor 1 Tahun 2009 Tentang Penerbangan". Diarsipin deri nyang asli (PDF) tanggal 2014-05-05. Dipungut 2012-08-01. {{cite web}}: Unknown parameter |deadurl= ignored (|url-status= suggested) (pertulungan)

[1]