Gunung Salak
Gunung Salak (hurup Sunda Bener: ᮌᮥᮔᮥᮀ ᮞᮜᮊ᮪; hurup Arab Gundul: ݢونڠ سالق) entu daèrah gunung api nyang letaknya di bekidul Jakarta. Daèrah enni gunung punya rèndèngan keitung dalem daèrah guwernemèn Sukabumi Kabupatèn èn Bogor Kabupatèn, Propinsi Jawa Kulon. Pengopèn enni gunung punya daèrah alasnya awalnya entu Perum Perhutani Kesatuan Pemangkuan Hutan (KPH) Bogor, cumang sederi 2003 jadi keitung daèrah Taman Nasional Gunung Halimun nyang diopènin ama Taman Nasional Gunung Halimun-Salak.
Gunung Salak entu rada tua jadi ada punya berapa puncak. Enni gunung punya puncak paling tinggi entu letaknya di 6°43' LK (LS) dan 106°44' BW (BT) èn dipanggil Puncak Salak I nyang tingginya ampé 2.211 m deri muka laot (dml).
Banyak nyang ngira kalo nama "Salak" entu asalnya deri nama pu'un salak. Nyang bener entu asalnya deri basa Sangsekerta, salaka nyang artinya "pèrak".