Gunung Gedé
Gunung Gedé (hurup Sunda Bener: ᮌᮥᮔᮥᮀ ᮌᮨᮓᮦ; hurup Arab Gundul: ݢونڠ ݢدى) entu atu gunung api nyang jenisnya stratovolcano nyang ada di bekulon Pulo Jawa. Gunung Gedé ada di dalem daèra Taman Nasional Gedé-Pangrango, nyang jadi atu deri lima taman nasional nyang awalnya diresmiin di Indonésia di taon 1980. Enni gunung masup ke dalem dua daèrah guwernemèn, nya'entu Kabupatèn Cianjur ama Sukabumi Kabupatèn, nyang tingginya ampé 2.958 m di atas muka laot èn letaknya ada di 106°51' - 107°02' BW dan 64°1' - 65°1 LK. Palsabet suhu di puncak Gunung Gedé entu 18°C lagi mataari mentèr èn 5°C lagi bulan nongtot. Palsabet deres ujannya entu 3.600 mm/taon. Pintu utama masup enni gunung entu liwat jalur Cibodas èn Cipanas (Gunung Putri) di belalor, èn jalur Salabintana di bekidul nyang kaga' banyak diliwatin ama tukang nanjak.
Gunung Gedé dikurubin ama alas gunung nyang keitung daèrah-daèrah submontana, montana, ampé ke subalpin di kiteran puncaknya. Di enni daèrah punya alas gunung entu jadi atu nyang paling lengkap jenis pu'unannya di Indonésia bahkan ampé di kawasan Malésia.