Gugel (matskepé)

Gugel (hurup Arab Gundul: ݢوݢل) atawa resminya Google LLC entu atu matskepé banyakbangsa deri Amrik Serèkat. Ni matskepé bekèn lantaran ngeja ama ngejalanin atu mesin penyari nyang paling mashur di Jala Jembar Jagat (WWW). Saban ari miliaran orang pada maké ni peranti. Gugel punya hopkantor^[1] (nyang dikenalnya "Googleplex") entu ada di Mountain View, Kaliporni, bagèan deri Silicon Valley. Gugel punya semboyan entu "Do the right thing" nyang artinya "Lakonin nyang bener."

Semprakan 2 Sèptèmber 2015, Gugel udah dielah ama atu matskepé atasan, nama Alphabet Inc.. Ni matskepé ngambil alih sebagèan deri Gugel punya proyèk, kaya' mobil sondersupir. Ni atu matskepé umum nyang ngedagangin dia punya saham di NASDAQ dengen kode saham GOOG èn GOOGL.

Gugel punya mesin penyari bisa nemuin gambar, dedelengan, berita, paguyuban berita Usenet, èn barang-barang dagangan dalem-jala. Per Juni 2004, Gugel ngelah 4,28 halaman jala dalem dia punya pendaringan data, 880 juta gambar, èn 845 pesen Usenet–6 miliar barang.^[2] Gugel punya pelampang Amrik diperingket Alexa peringkat 1. Artinya, ni pelampang – pelampang nyang paling sering ama paling jembar disaba di mana-mana dunia.

Ruju'an

↑ Hopkantor (hurup Arap gundul: هوفکنتور) – markas besar (Indo.); headquarters (Ing.); hoofdkantoor (Wld.).
↑ Press, Associated (18 Pèbruari 2004). "Google expands its search engine". the Guardian. Dipungut per 28 Juli 2023.

[1] Hopkantor (hurup Arap gundul: هوفکنتور) – markas besar (Indo.); headquarters (Ing.); hoofdkantoor (Wld.).

[2] Press, Associated (18 Pèbruari 2004). "Google expands its search engine". the Guardian. Dipungut per 28 Juli 2023.

[1]

[2]