Grand Theft Auto
Grand Theft Auto (disingkat GTA; hurup Arab gundul: ݢريند تيفت أوتو) ya'entu gim betontonan nyang isinya jangla èn beraga-berigi nyang dikeja ama David Jones èn Mike Dailly. Terusannya, nama-nama judulnya dikembangin dalem pengawasan kaka'-adé Dan èn Sam Houser, Leslie Benzies, èn Aaron Garbut. Enni gim dimegarin ama pemegar deri Britani Gedé, Rockstar North èn diterebitin ama Rockstar Games. Enni gimm ngeja pemaèn bakal ngelakonin jadi atu orang blegod nyang ngalor-ngidul di kota gedé. Misi nyang dikeja entu misi ngrabu bang, pembunuan, èn misi keblegodan laènnya.
Cara maèn[permak | permak sumber]
Grand Theft Auto ada punya berapa trap, masing-masing dikeja dalem atu deri tiga kota utama. Terus, pemaèn kudu sampé di tarjèt di titik-titik nyang udah ditentuin. Biasanya entu titik iélah tempat bakal ngelakonin tugas-tugas bakal kejahatan tempatan. Kalo berasil, ada pahala nyang dikasiin bentuknya ponten biar dapet bayaran nyang lebih gedé.